OLEH OLEH SOLO Online, belanja oleh-oleh khas Kota Solo, mudah, murah, cepat, & aman | Telepon/SMS: 081393811821 [TSEL], 081548513335 [ISAT], 087736004547 [XL] | Whatsapp: 081548513335 | Email: admin@oleholehsoloonline.com | Layanan: Senin-Jumat 9.00-16.00 WIB, Sabtu 9.00-13.00 WIB, Minggu & hari libur nasional layanan libur


FALSAFAH BANCAKAN SLAMETAN

 FALSAFAH BANCAKAN SLAMETANSore-sore Suwolo bali kerjo liwat ngarep omah’e Soluwo. Soluwo sing pas sore kui yo ngepasi ngelaras ning teras omah’e ngaruh-ngaruhi Suwolo.

Soluwo: Man, mampir omahku.
Suwolo: Oy, Man. Tuben sore-sore yah mene wes ngelaras ning teras.
Soluwo: Iyo, Man. Iki mau didodhoki bocah, jebul ngeteri Bancakan Selametan kanggo anakku. Kae tak selehno njero, anakku isih bobok awan.
Suwolo: Woh kene yo isih usum Bancakan tah?
Soluwo: Iyo jelas, jeneng’e ae Wong Solo, masyarakat Jawa.
Suwolo: Dene ngono, kowe ngerti artine opo ora, Man?
Soluwo: Piye-piye artine, biasane sing pinter nguri-uri budaya kowe kok, Man. Ndang tak rungokne, mengko ben aku yo iso nyritakne marang anakku.
Suwolo: Mulai seko ngendi iki?

Tumpeng

Suwolo: Tumpeng, bentuk’e opo, Man?
Soluwo: Bentuk’e gunung.
Suwolo: Artine wes ngerti, Man?
Soluwo: Mungkin artine sesembahan kanggo Gusti mulone bentuk’e gunung pucuk’e lancip. Kabeh menungso kudu eling Kanjeng Gusti sing ning nduwur kono.
Suwolo: Bener kui. Terus opo meneh?
Soluwo: Lho isih ono?
Suwolo: Isih, Man. Tumpang kui mau werno-wernone bocah kui pandongan lakune urip bocah kui mau, harapan’e mogo-mogo werno-werno urip’e mau seger koyo ijon-ijon’e mau. Terus koyo sing mbok sebutne mau, “Gunung’. Titi lakune tumuju puncak ing laku munggah gunung, artine bocah iki mau mogo-mogo iso mlaku tiniti papan kang luwih duwur derajat’e, ora kanggo bungah-bungahan tapi kanggo seserahan syukuran marang Kanjeng Gusti. Nek wes tean duwur yo kui mau man, Man, melu iso dadi gunung kui sing dadi kauripan.
Soluwo: Kok iso, Man?
Suwolo: Yo jelas iso, gunung iku kan metu tuk’e terus tambah mudhun dadi kali sing ngileni lemah-lemah sak ngisor’e kanthi subur, mulo kui dadi tuwuh-tuwuhan ijon mau sing disimbolne ijon-ijon sing ning tumpang kui mau.
Soluwo: Wo ngono… .

Sego Putih

Suwolo: Terus… , sego putih, Man.
Soluwo: Iyo, teges’e opo kui, Man?
Suwolo: Yo kui sego sing meh dipangan lan dibagi-bagi yo kudu sego putih. Teges’e opo sing bakal dipangan karo bocah sing dislamet’i ugi kiwo tengen’e kui asal’e seko kabeh sing resik koyo sego putih kui mau. Kabeh sing diulu kudu resik, dadi bocah kui mau bakal’e sehat. Tapi ora mung bab pangan thok. Uri-uri, rinuwat, lan opo ae sing diajarne marang bocah kui mau yo diarep-arepne klebu sing resik-resik ae. Dadine bocah kui mau bakal resik awak’e yo resik atine. Nek dadi pemimpin kayo gunung mau, yo iso dadi pemimpin sing resik kanggo anak buah’e.

——————————– Bersambung ——————————–